((انت وسيارتك))!!!

تعب قلـــبي · 22-01-2002, 04:06 PM

هذا الموضوع للشباب الي يسوقوون بس لا يزعلون لان مو لازم تنطبق صدق... يمكن يكوون الواحد مرجووج وكووول وكل شي ويكون مكتووب عكس كذا فعادي... وان شا الله تعجبكم ‍‍‍****

إذا كان معك((السيارة الفلانيه)) فإنت‍‍‍‍‍‍؟؟؟

*كابرس*

شخص شديد و شعبي و تحب الفزعة و لا تحب الميوعة

* كريسيدا*
مهبول و حق فرفشة و سعة صدر لكنك مخفة

* مازدا*
تحس دائما أن ودك توقف عند الأشجار ( بدافع غريزي كون أن معك بقرة)

* مكسيما *
طايش و متهور تظن أن معك فيراري عشان كذا دايما داعس على البنزين للآخر

*ألتيما *
نويعم دايم تمشط شعرك عند الإشارات

* هوندا اكورد*
مصدق نفسك أن سيارتك شخصية

* بي أم دبليو*
ياهووووووووه من قدك

* كادليك*
تفرح بالمطبات عشان تطامر

* ددسن*
تحس أن أسمك هيثم و ودك تشرب كابتشينو دايم

* لنكون*
شعرك عرادة و تحب المعسل

* فياقرا*
ولد نعمة و شايف نفسك لكن أنصحك لا تجاكر اللي معهم كوابرس تراهم ما يرحمون

* سني*
خفيف وزن و عقل في نفس الوقت

* بيوك*
عندك كرشة تروع

* بنوفيل*
دمك ثقيل و وزنك اثقل

*لاند كروزر*
فنان تطعيس بس الأخلاق تجارية

*روفر *
الله يخلف عليك

*هوندا سيفيك*
مشغل نفسك كل يوم تغسلها و تلمعها

*اس تي اس*
كل يوم رايح للوكالة عشان يا تصلح يا تسوي لها صيانة

*سفاري*
تحب الطواقي الزري و الدخان

*سوبربان*
تجمع عرابجة حارتكم عشان تدورون في التخصصي وتزعجون خلق الله

*كورولا*
أكبر ما فيك رأسك و مع ذلك ما تستخدمه

*سوبارو*
رياضي و تحب المشاكل

* سدرك*
موسوس و بخيل

*زد*
مشبوه و عند كل نقطة تفتيش الله يعينك

* موستنق*
تظن إن الناس تناظر و هي معجبة مع أنها في الحقيقة تتحمد عليك

* جاكور*
مسوي فيها أوروبي و أنت ما في راسك

*بيجو *
فاهم الدنيا غلط

*جمس صحن*
عصبي و مرجوج و قمة سعادتك أنك تحدد خلق الله

*كامري*
مقتصد في الفلوس بس مسرف في البربة و السواليف

* لكزس 400 *
دايم مهدي و راز خشمك بس في النهاية ما معك إلا تيوتا

*أودي*
شكلك شخصية و ثقيل بس لين تكلمت خربت الشغلة كلها

*تيرسل*
تحب تفرفر بين السيارات و تزعج الناس بالبواري

* ميركوري*
شايف نفسك و مغرور

*كراون *
حبيب و هادي

*كرايسلر*
غثيث و بثر

* انفنتي *
رسمي مهتم بشكلك أكثر من عقلك

* كابرس أس أس *
خفيف دم و مجلسك ما ينمل منه

*جيب شروكي *
مجنوووووووووووون بر و سوالف

* هوندا ليقند *
تحب تقزقز و تتلفت على خلق الله

* سزوكي *
تحب تدور عند المدارس

* ايسوزو *
مكروه من قبل الناس لأنك ببساطة كتمت أنفاسهم بالديزل

*لكزس 300*
أنيق و جذاب

*كراون فكتوريا *
مجنون كورة و تحب الفصفص

* هونداي *
مزعج خلق الله بالمسجل ...كن محد عنده مسجل غيرك

*لومينا *
وش حليلك بس المشكلة أنك متعصب بزيادة لناديك

* شبح *
مشخص رغم أنها راحت عليك

مرخان · 23-01-2002, 01:50 AM

وش دعوه يابو (تعب قلبي) وش فيهم حقين السدرك والكامري الله يهديك
هذا انا اعتبره اتهام باطل

ولا تنسى السياره اللي معك وشهي

على العموم مشكور على هذه المشاركه ولو انها حزت في الخاطر ومقبوله منك

لكن زي ماقال هجرس (خلك في دراستك احسن لك)

منيف المنيف · 23-01-2002, 04:26 PM

اخوي تعب قلبي..والى معه سيكل وش تشوف فيه.......
اخوي مرخان ........زمهما كان نوع سيارك فانت

مرخان · 24-01-2002, 02:41 AM

شكرا لك يا مسافر

رفعت معنويتي شوي

والا أول رحت أصيح عند امي وقلتلها ان تعب قلبي قام يسبني( يسب الكامري)

أبو ريان · 24-01-2002, 04:07 AM

هههههههههههه الصراحه احرجك مرخان مع اني اشك فيه بس تعال انت شايف ان حقين جيوب شروكي كذا
ولو اما السدرك سالفتها مالها مثيل 0000 حلوة يا مرخان 0 والاحلى مشاركه تعب قلبي في النظريه المقلوبه 0

تعب قلـــبي · 24-01-2002, 02:18 PM

ياهلا والله اخوي مرخان اول شي مشكور على الرد
بعدين بتعلمنا ان عندك سدرك وكامري
وبعدين حبيبي وش اللى حز بخاطرك الله يهديك بس
خلاص ان شاء الله يرزقك
* بي أم دبليو*
ياهووووووووه من قدك
اخوي مسافر مشكور على الرد بصراحة اللى معه سيكل انسان بسيط وشغلته تغسيل السيارات
اخوي هجرس والله حقين الجيوب مو كذا وبس لا وصاروا مشرفين بعد;)

منيف المنيف · 24-01-2002, 08:21 PM

مقبوله منك.......يا تعب قلبي.....وبالتوفيق والنجاح

هاكر العرب · 24-01-2002, 11:47 PM

انا ودي يصير معي جمس صحن علشان احدك ولا تدري لكزس 300 علشان اركبك معي

تعب قلـــبي · 25-01-2002, 03:08 AM

يسلمووووووووو اخوي مسافر
اخوي هاكر
من كلامك افهم ان مامعك سيارة
علشان كذا انت الربحان ولاتقعد تحلم بلكزس ولا بي ام خلك من ابو عزيز وحواليه;)