لاجل المولع هذي مشاركتي؟؟؟؟؟؟؟؟؟؟؟؟

[ابودجانه]

ارجو من كل واحد يذكر موقف محرج او مضحك مرعليه في رحلة صيد او كشته 0 ولي عودة معكم0

[المولع]

ابو دجانه اشكرك جزيل الشكر على احساسك بالمسئوليه تجاه هذا المنتدى ، و لك كل تقدير و احترام على اهتمامك و اجتهادك -------> بعض الاحيان . وشكرا على الموضوع يالغالي و تسلم والله ....

اما الموقف :
فصراحه هذا الموقف لا يمكن نسيانه و هو محرج للأسف مره كنت طالع للبر و تعطلت فيني السياره و اضطررت للمشي لمسافة 4 كيلو تقريباَ لطلب المساعده ، وكان اقرب مكان فيه ناس يبعد هذه المسافه ، والحمد لله على كل شي ، علماَ بأن هذا الموقف كان في عز الصيف .... والحمد لله على السلامه ...

[مفتون صيد]

والله يابودجانه الموقف كثيره لكن ابقول واحد منها

مره حنا طالعين نصيد طيور في الارطاوي... المهم حنا راكبين في موتر واحد من الربع ونرم يعلى هالدخل وما تشوف الاالدخل يطيح من هالشجر ... وقفنا عند شجره وخذ ياصيد وهي تقريباً اكثر وحده صيدنا منها ... ما ادري وش اللي خلاني اناظر تحت الشجره ...... المهم لقيت الاخ ورل تحت الشجره وجالس يبلع كل ما نصيده ....ما يمديك تصوب عليها وتطيح من الشجره الا وابو الشباب لاقط ابوها في لقمه وحده .... انا بلمت وقمت اناظر ومستغرب ومقهور في نفس الوقت .... مثل اللي ياخذ حلالك عيني عينك وقدامك ... اخوياي فقدوا صوتي لاني كنت اسولف وقالوا ابو الشباب وين رحت قلت وين؟؟؟؟ شوفوا اللي تحيت وانتم تعرفون يوم شافوه معي طرطعوا ... وقاموا يسبون ولد الحرام اكل طيورنا .... وزعاق ... والحقوه وقفوه ... ولا امدانا لانه دخل جحره .... وتحس انه كسر خشومنا غصب عنا وقهرنا ومشى ... كان هذا موقف لايمكن انساه

[مفتون صيد]

على فكره ابو دجانه تراك واعدنا انك تجيب وشلون نحفظ طيور الصيد في موضوع اختراعات.......

تراك واعدنا ولايجوز انك تخلف الوعد;)

[ابودجانه]

اولا اخوي المولع مشكور وحياك الله وياليت عندنا منك نصف درزن كان مااحتجنا نترجي احد يشارك في منتدي الصيد والرحلات0


ثانيا اخوي مفتون بالنسبة للاختراع اللى واعدكم فيه ماذكرته حتي تقول انه يحفظ الطيور والا الضببه0000000وابسالك وش اكلف شيء على الواحد بعدجمع الصيد علمني واعلمك وش اختراعي بس انتظر انزل له صورة وحاتشوفه ياحلو0

اما الموقف هو والا بعدين

[اتيكا]

أذكر مرة من المرات ماشي بموتري على الطريق الزراعي المؤدي إلى مزرعتنا

وفجئه طلع لي ضب قاطع الخط بغيت أتصادم أنا وياة لكن الله ستر... المهم

ربطت ذاك الفرامل وحولت من موتري حافي تقل صاروخ موجه على الضب

شوي وإلاني وراة ملحم الصدام في الصدام وكلما أنحنيت أبلقطه ينحاش عني

قلت مالي إلا أني أشوته ضفر وأخليه يخمس في محله وأمسكه

المهم عقب مامسكته حسيت أن رجلي توجعني وتصبصب دمامين من شوتت العكرة

وزيادة على ذلك طعنني الشوك وأنا راجع مدري وشلون وطيت عليه وأنا ألاحق الضب وماحسيت به


وسلامتكم