لـيـهـ الـمـسـا عــوق الـشـقــاوي وطـبـّـه..؟؟

[مها المطيري]

ليه المسا عـوق الشقـاوي وطبّـه؟
وليه الهبوب تصحي القلب لا بـات؟


وليه القمر يدعـي جريـح المحبّـه؟
ويقول له يا هيه..ما فات ..ما مـات


جرحك ظهر لو قلـت للوجـه خبّـه
وللحزن في ضحكك رسوم وعلامات


وليه المطر بالذات ريحـه.. وصبّـه
كنّه رسول بيـن الاحبـاب بالـذات؟


اشتـاق فيـه لشوفـتـك واتنـبّـه
للي نسيته مـن مواقـف ونظـرات


لا استانس الخافق ذكـر مـن يحبّـه
ورجع يراجع فالوناسـات مـا فـات


يا مرتـع القلـب الحزيـن ومربّـه
يزيين بك مثل الذهب صدر الابيـات


هيهات ينسى القلب شخـص ٍ لعبّـه
وهيات يدله خاطري منـك هيهـات


سبك مديـح ومـدح غيـرك مسبّـه
تقول واذني صوتها تقول لك هـات


ونبع الغلا عنـدك وعنـدي مصبّـه
ومن الولا .. في خافقي لك ..ولاياات


وطيفك حطب عيني..وعيني مشبّـه
والشوق برد ٍ ما انقطع لو للحظـات


ومكانك الصدر ولـك القلـب شبّـه
بين الظلوع اللـي فردهـا التنهـات


ولك بيـرق ٍ فالقلـب حبـك يهبّـه
شامخ ولا هزه من العـذل غـارات


محبتـك فالوقـت ذا مــا تشـبّـه
الا بخيمـة بـدو بيـن العـمـارات


ان شفتني ضايق واهوجـس واسبّـه
اخاف غدر الوقت.. والوقـت دورات


لا تحسب ان دمعي نـزل دون سبّـه
ابكي من الفرقا وهي مابعـد جـات

الـيـوم كــل امورنا..مستـتـبّـه
وبكره ماندري وش معه من مسرّات


اربّ قلبـك مثـل قلـبـي اربّــه
ما يخلفه كثر العدل والمسافـات

[أبو حمـد]

السلام عليكم ورحمة الله وبركاته ،،


ياسلام ،، قصيدة جميلة ،، والبيت ذا أعجبني كثير ،،


[poem=font=",6,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
محبتـك فالوقـت ذا مــا تشـبّـه = الا بخيمـة بـدو بيـن العـمـارات[/poem]



تسلمين أخت مها ،، وصح لسانك ولسان شاعرها ،،


شكراً لك ِ ،،

[مها المطيري]

صح بدنك يااااااااااااااااااااااا الغااااااااااااااااااااااالي

[سمحة الخاطر]

صح لسان من قالها

مشكوره مها

[دايم]

يعطيك العافيه

قصيده حلوه

واختيار احلى

[مها المطيري]

عفووووووووووووووا ابتهال
واااااالله يعاااااافيك يادايم

[قلم رصـــاص]

راائعة كروعتكًُ

أختيار موفق ,, أشكرك