شباب الرحلات ، من يعرف منطقة (بويب)

[المولع]

بسم الله الرحمن الرحيم

شباب ياليت تفيدوني عن منطقة (( بويب )) ، اين موقعها عن الرياض و كم تبعد عنها .
ما هي طبيعة ارض هذه المنطقه ، شعبان ، جبال ، ......
ارجو الإفاده ...

[مفتون صيد]

والله مانيب متأكد منها يالمولع لان عندي معلومات ملخبطه شوي .....لكن لعلي اسئل عنها اكثر واتأكد او الشباب فيهم الخير ....... على فكره دعواتكم لنا الاختبارات يوم السبت 4-7 اعوا لنا الله لايهينكم ... والله ما ادري وشلون ابقدر ابعد عنكم هالفتره

[اتيكا]

أخوي المولع منطقة (( بويب )) هي منطقة مستوية تقع شمال مدينه الرياض على خط طول N 25,07,000 وخط عرض E 046,48,000

للذهاب الى هناك اتجه الى شارع التخصصي شمالا, بعد أن تتجاوز الدائري الشمالي سيأتيك دوار عنده صفر عداد السيارة ثم أستمر على نفس الطريق فسيأتيك دوار آخر واصل على نفس الطريق
وعندما يقطع العداد 10كم سيأتيك مفرق الجنادرية , التنهات , الصمان الى اليسار اتجه معه جهة الشمال واستمر على نفس الطريق حتى يصبح العداد 29 سيأتيك مخرج البويب , الرمحية, رماح, الى اليمين أتجه معه شرقا وتجد أن منطقة (( بويب )) على يدك اليمين

[المولع]

مفتون صيد : ياليت تتأكد لي من منطقة بويب لأكن بعد ما تخلص اختباراتك التي اسئل الله ان يوفقك فيها . والله يكتب لنا و لك التوفيق و النجاح ..

اتيكا : عز الله انك ما قصرت و حطيت لي هالاحداثيات و الوصف ، و انشاء الله اني عرفت الاتجاه لتلك المنطقه ، لاكن كان بودي اعرف المسافه بالضبط للمناطق البريه في بويب كم كيلو و انشاء الله انه فيه ناس راحو لها و يعرفون كم كيلو تبعد ...

لاكنني اريد من الشباب معلومات زياده عن طبيعة تلك المنطقه ...

[>نجمة سهيل<]

بويب عشق الطفوله
حياك الله اخوي المولع.

بويب شعيب كبير محترم ماعليه . اخبر قبل 3سنوات تقريبا كان مايجيه الا سيارتين بالكثر او 3 سيارات وكانت الطيور واجد.
والحين اذا رحت ولقيت اقل من 15او20سياره فهذا شوي.

وبالنسبه للمنطقه تراها اول منطقه بحياتي اطلع اصيد فيها من يوم اني بزر وانا اطلع لها مع اخوي وخالي.

وعلى العموم الشعيب اذا صار هذاك اليوم الي فيه صيد بتشبع .

مره رحنا ماوصلنا تقريبا الا الساعه 10 الصبح ((راحت علينا نومه ))
ومااشاءالله كان هذاك اليوم فيه نزل ومافيه سيارات واجد والحمدلله وفقنا مايقارب 160دخله و18صفاره و2لازوق. تقريبا كل هذولي في 3ساعات.

بس الحين نصيحه مني لاعاد تروح له صار خطر مره وخاصة كل من سمع عن موسم الصيد بالجرايد راح للرمايه وشرى له ام صتمه وقام يصيد . والله حتى الصباري يصيدونها .
وتعال شف والله اننا نلقى طيور متعلقه ميته ولاينزلونها ؟؟ طيب ليه يذبحونها؟؟

على العموم الوصف حقه كالتالي:

انت الحين الجنادريه على يمينك . ابتل سيده مره الين توصل محطة خزام .
اذا وصلتها بيجيك لوحه بويب+الرمحيه+رماح يمين .
لف يمين وامش لك تقريبا 30كيلو او اقل شوي وبعد الطلعه بيجيك الشعيب على اليمين واليسار الي على اليمين تسبير وهذا الي انا اقصده والي على اليسار ماقد رحت له.
اذا حبيت تستفسر عن اي شي اضفني عندك بالمسنجر.
احلى تحيه،،

[المولع]

مشكور و ما قصرت يالغالي على هذا الوصف ....

و صراحه انا كنت اجهل هالمنطقه ما ادري هي شعيب او جبال ..

لذلك اعيد و اكرر شكري الجزيل لكل من تجاوب مع سؤالي :
مفتون صيد و اتيكا و انت يا اخ نجمة سهيل

الأن الحمد لله عرفنا بويب ;) ;) ;)