هل الله موجود .. ؟ إذا موجود ممكن توريني أياه ؟
- السؤال جدا قوي .. ويحتاج إلى شخص مناسب وعنده ثقافة وعنده معرفة وعلم عشان يقدر يرد على مثل هذا السؤال.
- لكن ياخي يالي قاعد تقرى هالموضوع .. ايش رايك لو واحد طرح عليك السؤال ... كيف تردعليه ..؟
- هذا السؤال القوي أنطرح على أحد المثقفين بالدين ( داعية ) وقام بالرد علية بطريقة خلت الشخص الي سأله أقتنع بالاجابة .. تعالو نشوف كيف كان الرد؟
- هذي القصة قرأتها في أحد المواقع ولا أعلم صحتها ولكن أعجبتني كثيرا وهي (( عن أحد طلاب العلم الذين وصلوا إلى مراحل متقدمة في العلم والمعرفة .. أخونا في الله - ماجازت له العلوم الي عندنا - راح وسافر إلى الخارج علشان يزود معرفته بطلب العلوم الي ماهي موجوده .. وبعدين جلس فترة هناك لحد ماتشبع بالأفكار الغربية حتى وصل إلى مرحلة الإلحاد بسبب ما تعلمة في الغرب بعدم الاقتناع سوى بما هو علمي ومحسوس وله تفسير واضح .. بعد كذا أخونا صار عالم وطنة براسة ثلاث أسألة ما لقالها جواب حتى في الغرب وهي :
- هل الله موجود وإذا موجود ورني أياه ؟
- كيف الله يعذب أبليس بالنار وهو مخلوق من نار ؟
- ماهو القضاء والقدر ؟
بعد ما وصل للسعودية لاحظو اهله أنه تغير بدا مايصلي ولا يتعبد الله بحجة أنه ما احد قدر يجاوب على أسألته
راحو وجابوله الشيخ - فلان - أحد الدعاة وأجتمع معه قاله وش عندك يا أخي رد عليه عندي الاسئلة هذي أبيك تجاوب عليها ... فكر الشيخ شوي وبعدين رفع أيده وصبخ الولد طراق فكك حنوكة ويمكن طاح ضرسين ؟
- هأأأه ليش سويت كذا ؟؟؟
- قال الشيخ : أنا جاوبتك على أسالتك كلها .
- كييييييييييييييييف ؟؟ ما فهمت ؟
- قاله لما ضربتك وش حسيت فيه - قال حسيت بألم - قال - تكذب وريني أياه - قال ما اقدر - قال الشيخ هذا جواب سؤالك الأول حنا نشعر بوجود الله سبحانه لكن ما نقدر نوريه أحد .
- أما بالنسبة لسؤالك الثاني فأنا بأيش ضربتك قاله بأيدك - قال طيب خدك مخلوق من طين وأيدي مخلوقه من طين وأنا عذبتك بأيدي .
- أما سؤالك الثالث .. هل احد قالك أني بضربك قال لا .. قال طيب هل توقعت أني أضربك - قال لا - قال اذا هذا هو القضاء والقدر )) انتهت القصة
- أما بالنسبة لكم يأخوان المنتدى رجاء الي سامعها ولا قاريها لا يقعد يشغلنا ويقول قديمة.
- الشي الثاني الي يعرفها ممكن يقول لي من هو الشيخ الي رد على الطالب .. وهل هي حقيقية ولا كلام .
طبعآ مزروووووووف