النواصر

[عبدالله المعجل]

مسيكم الله بالخير

قصيدتين عجبتني بعد قراتي لها في ديوان شعراء المعجل....

وهي للعم الشاعر عبدالله بن عبدالكريم رحمه الله عليه.....

والشاعر عثمان بن حمد,,,,

عثمان بن حمد بن ناصر من النواصر من بني تميم قال القصيده التاليه ... وسببها أن شخص ما هضم شي من حقه,

وفي القصيده يفتخر بأفخاذ النواصر, وأيده العم عبدالله بن عبدالكريم المعجل رحمه الله عليه في قصيده أخرى..


يقول عثمان بن حمد:
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
من لاوزن هرجه يجي فيه منقود= يصير عند الناس يستنقصونه
يامل قلب هيضه عبس مقرود=يقول ماله ناصر ينصرونه
دن القلم يا اخويه أكتب عن الزود=والنقص الي بالمثل يا زنونه
اكتب سلام للنواصر من العود=في كاغد لاسماعهم يسمعونه
انصارنا المعجل مواصيل ووسود=اهل الذهانه كلشٍ يفهمونه
وانصارنا الماجد هل الفعل مشهود=سواقه للغرم ما ياخذونه
وانصارنا العيبان ذربين واعدود=الى عناهم قادم يكرمونه
وانصارنا الفايز صناديد واحيود=أهل الظفر هو والكرم يبذلونه
وانصارنا المقبل هل الطيب والجود=عدوهم من فعلهم يرغمونه
وانصارنا بعد الحماضا هل اسدود=أهل الوفا في كل درب يبونه
وانصارنا بالغاط عقال بحدود=الى نواهم عاديٍ يفشلونه
وانصارنا بالمذنب أرسى من الطود=الى زبنهم لاجي يحتمونه
وباقي النواصر ما عليهم بعد زود=اهل الحميه سلمهم يمسكونه
راعي الحميه ما يبي سايق او قود=ولا يحتري اهل الحكي يدفعونه
العظم يفني واللحم عاد للدود=من لا يحامي عاجل يدفونه
من لامنى فيهم عسى ماله أو جود=لعل ماله لابهٍ يذكرونه
من لايجي به غيره خسر مقرود=أباعد العالم غدا يكرهونه
صلاه ربي عد ما يثمر العود=واعداد ما دار الفلك مع اركونه
على النبي صليت بالهون واركود=عداد ما هل المطر من مزونه
واعداد ما هبت هبايب من النود=واعداد خلق للولي يذكرونه

[/poet]

وهذي ابيات العم عبدالله بن عبدالكريم رحمه الله عليه:



[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

يا الي ابدعت القاف قافك قريناه=وجوك الرجال مطوعين رجالي
ربعك هل المعروف وأهل المراوه=ربعك هل الطولات في كل حالي
ربعك بني عمر النواصر هل الجاه=أهل الشجاعه محتمين التوالي
الناصري كل المراجل بيمناه=أنشد جميع الناس شرق وشمالي
يمشي على المشورع والظلم ياباه=ياخذ حديث المصطفى بالكمالي
ومن صان عرضه فالملامه تعداه=والحي كل مرجعه للزوالي
بين لنا خصمك على الراس ناطاه=ناطا بثقل لنا ما نبالي
وبين لنا فالناس ساسه ومجناه=حتى نورده الطريق العدالي
الي صنع خيرٍ مع الناس يلقاه=وراعي الخطا لابد يجزا بدالي
[/poet]



تحياتي للجميع

عبدالله بن سلطان

[أبو ريان]

رحمهم الله جميعا واسكنهم فسيح جناته تسلم يا ابو سلطان على هذة القصائد وذكر مناسبتها

[هرمنا]

تعقيبا على كلام ابو ريان

عثمان النواصر موجود وعسى الله يطول عمره على طاعة ربه


عموما الله يرحمنا برحمته احياء واموات


ومشكور يا ابو سلطلن على هالاختيار



القفوا تحياتي

[سعود الخليل]

عبدالله المعجل

يعطيك العافيه اخوي على إمتاعنا ابلقصيد الزين ..

تقبل تحياتي ..

[أبو ريان]

شكرا لك يا السبعين على هالملاحظة واطال الله في عمر الشاعر عثمان ابن حمد ابن ناصر

[هوجاس]

[c]الله الله

أخوي عبدالله المعجل

مشاركه في قمه التميز

إعتزاز بالاصل والحسب بدون تنقيص ولا ذم للآخرين

رحم الله الشاعر عبدالله بن عبدالكريم المعجل

واطال الله في عمر الشاعر عثمان بن حمد

مشكور يا ابو سلطان

وتسلم يمينك[/c]

[عبدالله المعجل]

من التويم - هوجاس - ابو ريان - السبعين

شكراً لمروركم وتعليقكم


تحياتي لكم

عبدالله بن سلطان

[الناصري التميمي]

كفو و الله برجال
تسلم يمينك يا عبد الله بن معجل

وصح لسانك ولسان قايلها


وان شاء الله لي مشاركات مستقبليه عن الشيخ الشاعر عثمان بن حمد الناصري




وتحياتي للجميع

[عبدالله المعجل]

الناصري التميمي...

تسلم طال عمرك.... وصح بدنك..

ويشرفني توقيعك على مشاركتي.....


تحياتي لك

عبدالله بن سلطان

[رحّــــــــــال]

والله القصيد زين يا ابوسلطان بس مثل القصايد هذي اللي فيها نصايح يبيلها واحدن يتعلم منها مهوب يمخمخ عليها وهو ماتعلم منها
مثل ذا البيت اللي ودك ان اللي تجوزله القصيده يطبقه
من لاوزن هرجه يجي فيه منقود يصير عند الناس iiيستنقصونه

وودي يا ابوعابد تنشد الشياب عن فزعة النواصر للخراجا <=== دزد اوحيتبها ومدري وشي

الله يعافيك ويلبسك العافيه على القصايد ولو اني منيب راعي صنف

[عبدالله المعجل]

رحـــــال...

مشكور على تعقيبك....

وبالفعل ينبغي الاخذ بهذي النصيحه كثير من هذا البيت...

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
من لا وزن هرجه يجي فيه منقود= يصير عند الناس يستنقصونه

[/poet]

مشكور يا رحال واعتقد انك اصبت في اختيارك لهذا البيت.....


تحياتي لك


عبدالله بن سلطان

[الناصري التميمي]

لشيخ عثمان بن حمد الناصري التميمي

هذه القصيده


يقول ابن ناصر مرغد البال
-- مما سمع من قادمه باستماعه

حنا تميم أهل التواريخ والافعال
-- حنا تميم أهل الوفا والشجاعه

حنا تميم أبطال واعيال الابطال
-- حنا تميم أهل الجلد والبتاعه

ابشيه الله نعتلي فوق دجال
-- ما نلتفت له يندحر باستطاعه

الى نوانا ضدنا نذهل أذهال
-- راعي القشر لاعال نكسر اذراعه

الخير لاهل الخير من قدم الافعال
-- راعي العمل يلقاه باكر اوداعه

كل يشجع عزوته بنظم أمثال
-- باب الشعر مفتوح ياسع وساعه

مقسوم بين الناس كل له أقوال
-- مقسوم بين أفرادها والجماعه

ترى الردى من ربعنا ينطح اشبال
-- لا ثار عج الشر نجدع اشراعه

ناخذ احقوق ونعطي الجو بالكمال
-- نشره ونرضى بالعدل والسناعه

للفعل ميزان وللقول مكيال
-- واعلو منا تاقع ابصدق او وقاعه

راعي الطمع ينهل في كل الأحوال
-- ثم إيتحسف من خساير ضياعه

وصلاه ربي عد ما هل همال
-- على النبي اللي وعد بالشفاعه



وسلامتكم

[عبدالله المعجل]

صح لسانك يا الناصري التميمي...

وصح لسان شاعرنا عثمان بن حمد مليوووون مره...عسى الله يطولنا بعمره..

وتسلم ثم تسلم على هالقصيده الرائعه.....

وما اقول الا كثر الله من امثالك ...



تحياتي لك

عبدالله بن سلطان

[الناصري التميمي]

صح بدنك يا الغالي و الله يسلمك على هذه المداخله الطيبه
و اسعدتنا والله مداخلتك يا بن اعم وتشرفنا بها

تحياتي لك
ابو عبد العزيز -الناصري الحارثي العمري التميمي

[عبدالله المعجل]

شكر وتقدير..


للمشرف العزيز من التويم والى اداره المنتدى لاعادتها قصيده العم عبدالله بن عبدالكريم رحمه الله عليه.....


تحياتي للجميع

عبدالله بن سلطان