شاعر الشهر ( راشد بن جعيثن ) - الصفحة 2

بن جعيثن · 23-06-2005, 06:48 PM

[align=center][align=center]نبذة عن الشاعر راشد بن جعيثن ...

هو راشد بن محمد بن جعيثن ...

من مواليد المزاحمية 1372هـ وفيها تلقى تعليمه الأبتدائي ...

أكمل تعليمه المتوسط في ضرماء ...

ودرس في ثانوية المعلمين في الرياض ...

درس خمس سنوات بعدها أكمل تعليمه في كلية المعلمين المتوسطة بالرياض وذلك عام 1397هـ ...

وأكمل مشواره في التدريس بعد التخرج في ثانوية اليمامة مدرسا ثم رئيسا لقسم شئوؤن الطلبة ...

في عام 1415هـ انتقلت خدماته إلى وزارة الداخلية ليكون عمدة لأحياء غرب الرياض ولايزال ...

وأما مشواره الشعري فقد ابتدأ بكتابة الشعر وعمره 13 عاما وكان ذلك في عام 1385هـ ...

وهو أول من أوجد صحافة شعبية بالألتزام بالصدور من خلال مجلة اليمامة ليكون رئيسا لقسم الأدب الشعبي عام 1398هـ ولايزال إلى الأن ...

رشحه مؤسس نادي الهلال الشيخ عبدالرحمن بن سعيد ليكون شاعر الهلال وعضو شرف له ...

نال التكريم من جامعة الكويت عام 1406 هـ ونال وسام المتفوقين ...

كان ضمن لجنة الشعراء الشباب بدولة البحرين ...

عمل رئيسا للجنة الشعر الشعبي بمهرجان الجنادرية على مدار خمسة مواسم ...

عضوا ثابتا في جائزة الشيخ محمد بن راشد بن مكتوم منذ تأسيسها ...

حصل على ترخيص إصدار جريدة أسبوعية ومازال العمل جاريا لثدورها لتحمل اسم ( قوافي ) تهتم بالشعر والأدب والفن والرياضة ...

رشحه الأستاذ / محمد الشدي . رئيس مجلس جمعية الثقافة العربية السعودية للفنون رئيسا لتحرير مجلة التراث ...

(( ينكر على من يقول بأنه يبيع شعره لأنه وبكل بساطة لايعد من يبيع شعره شاعرا لأن من يبيع شعره والشعر منبعه من الأحساس لايكون شاعرا )) ...

وشكرا لكم ولتفاعلكم ...

محبكم / بن جعيثن ...[/align][/align]

ساجي · 24-06-2005, 02:16 AM

المعذره عن التاخير

بيت راسخ في المخيله لراشد بن جعيثن

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الى يوم القيامه احبه واعذروني = والصبر محمود الى يوم القيامه[/poem]

وياليت الاخوان يثرون الموضوع بمشاركاتهم قبل انتهاء الشهر

شكراً لكم

فهد نجد · 25-06-2005, 01:25 PM

بن جعيثن بعد التحية 0

الف شكر على هالمعلومات القيمة والتعريف الكمل باشارع الكبير 0

الف تحية 0

فهد نجد · 25-06-2005, 01:26 PM

وياليت الاخوان يثرون الموضوع بمشاركاتهم قبل انتهاء الشهر

شكراً لكم

...........

شكرا ً لك للمرور 0

وبصراحة صدقت ليت الجميع يثرون الموضوع 0

الف تحية لك 0

**سعود الخليل** · 02-07-2005, 02:00 PM

بن جعيثن الف الف شكر لك على المعلومات اللي كنت أبحث عنها ....

ومالك عذر عاد هذا من الجماعه ...

قصيده من روائع راشد بن جعيثن ...

[poem=font="Simplified Arabic,4,black,normal,normal" bkcolor="transparent" bkimage="" border="groove,4,sienna" type=0 line=0 align=center use=ex num="0,black"]
لا تسبق الاحداث مافيه داعي=اني معك ابدا حياة جديدة

طويت من بحر الرجا بك شراعي=النفس طابت وافعل اللي تريدة

احبطت في حبك جميع المساعي=خايف اسى الماضي لنفسي تعيدة

يوم اني احبك حكمت بضياعي=لقيت في بعدك حياة سعيدة

وش لون تجرحني وعيني تراعي=وان صحت جرحي من عذابك تزيدة

ما هان حتى يامقفي وداعي=دموع الشره من فوق خدي بديدة

في ما مضى خله يفيدك خداعي=جفاك في قلبي تزايد رصيدة

[/poem]

راشد بن جعيثن

**سعود الخليل** · 18-07-2005, 12:58 AM

السلام عليكم ...

هذي دفعه جديده من قصائد الشاعر المبدع راشد بن جعيثن ... طبعاً حصلنا عليها بعد الأمسية اللي أقامها في سدير :

قصيدة المحماس روعه يقول راشد :

[poem=font="Simplified Arabic,4,black,normal,normal" bkcolor="transparent" bkimage="" border="double,4,sienna" type=2 line=0 align=center use=ex num="0,black"]
محماستي ما هيب مثل المحاميس = لا متن، لا ثقل ، ولاهي خفيفه
حديدها كحلٍ فرش من قراطيس = أخير أسام الشغدليه منيفه
ما نجس الصانع بها الطرق تنجيس= متقاديٍ من ثقل كفه رصيفه
مثل المواطي في ظهور الطعاميس = لخفاف زاهية الرسن والسفيفه
بالطرق مسسها على النار تمسيس= شبرٍ سعتها مثل بدر النصيفه
أهلال رابع راس يدها تهاجيس = أعنها عن المهار العسيفه
أرهي لها الحب اليماني على القيس=حب نظيف وطينة أمه مريفه
جفل النيا مالبّس الحب تلميس = مثل الزمرد بالكفوف النظيفه
وإلا عيون منكسين الكبابيس = يوم اسجعت من بين أمانٍ وخيفه
ما غير ألمسّها على النار تلميس= لا عجل ،لا وني وضوي حفيفه
أصهر نياها مثل صهر المقابيس = يوم انطلق من ما الذهب راس سيفه
وأكبها بمبردٍ من لبا خيس= ان كان ماهو من خشب من خصيفه
ونجرٍ إلى حرك غدا له هجاريس = ارفع يدي قدام يقطف قطيفه
ويجي بجوفه مثل دق المراويس = يطرب له اللي ذاق فرقا وليفه
أدقها به من تعن الهواجيس = ويونس الخاطر تقافي قصيفه
تملا يده مقضب كفوف مخاميس = بين الثقل والخف يوجف وجيفه
ومن النجر في خمرة صنعها ريس = من ماركة بغداد ماهيب شيفه
مسلوبةٍ من كفلها سلب نرجيس = تقطع بفوحٍ خنته راس كيفه
والى صفت زليتها في المعاريس = زلولٍ تقدم للنشاما طريفه
ونسوقها لأهل الفخر والنواميس= بيضٍ شفايفها تشفا بليفه
فنجالها يطفي لهيب الحواسيس = ماهي لكم ياهل النفوس الضعيفه
شربي لها أغلا من حكم باريس = عندي وكلٍ رغبته روح طيفه[/poem]

**سعود الخليل** · 18-07-2005, 01:01 AM

[poem=font="Simplified Arabic,4,black,normal,normal" bkcolor="transparent" bkimage="" border="double,4,sienna" type=0 line=0 align=center use=ex num="0,black"]
ياوالله اللي ثقل همي وجضيت = وأنا على الجضات مانيب ضاري
بلشِ بهم كل ما أصبحت وأمسيت = يخمني تسعه وتسعين طاري
ومن صكة الأيام بينت ما أخفيت = واللي بقلبي ما حدٍ عنه داري
ولو قلت ما بي لون وإلا تدريت = ما يستر الرجال ثوب العواري
في غير فزعة سيدي ما ترجيت = لي خان بي خطوا الرفيق المباري
إلى طرى لي هاجسٍ فيه فزيت = له فزعة فيها مع الناس أماري
ياما وياما في حياتي تمنيت = مير المنى كنه سراب الصحاري
لاقاضي حاجة ولا بانيٍ بيت = ولا هوب ربحٍ بين بايع وشاري
لا شفت لي شيٍ وأنا أبيه صديت = من قل ما تملك يدي من مصاري[/poem]

**سعود الخليل** · 18-07-2005, 01:02 AM

[poem=font="Simplified Arabic,4,black,normal,normal" bkcolor="transparent" bkimage="" border="double,4,sienna" type=0 line=0 align=center use=ex num="0,black"]
انثري همي وهمك وأجمعيه = فرقي شمل القصايد واجمعي
والنشاز من القوافي كفنيه = واجزلي له في المآتم والنعي
واحفري له قبر ميت وادفنيه = واركزي فوقه نصايب واطلعي
وكل همٍ من همومك له شبيه = حكمي فيه المعرفه والوعي
خايلي مطر السحابه واشربيه = خلي البحر المزمجر للدعي !!
وكان لك همٍ نبيلٍ ودعيه = في مكان سافري له وارجعي
بالقوافي كحلي ذوق النبيه = اجرحي قلب المعاني واوجعي
بيننا خيط من الخوف اقطعيه = وشنفي مثل البلابل مسمعي

راشد بن جعيثن [/poem]

**سعود الخليل** · 18-07-2005, 01:04 AM

[poem=font="Simplified Arabic,4,black,normal,normal" bkcolor="transparent" bkimage="" border="double,4,sienna" type=0 line=0 align=center use=ex num="0,black"]
لا تشره علينا وأنت مالك شرَه = من عطا الحق يا صافي المحيا خذاه
مودمي وان عمر المودمي زهره = وكل شي على حله يجي له طراه
الخبل من يسّلم سرّقلبه مره = ما تعقل الكلام ولا تحفظ الوصاة
مثل من علق المزهب بفرع شجره= يوم روّح وعود مفلسٍ ما لقاه
ومن كلا من طعامٍ يا عرب وانكره = لا تمرون بيته ما يذرّي ذراه
ومن يآمن رفيقٍ رافقه وغدره= كنه ملحّق القوم صمط العباه

راشد بن جعيثن [/poem]

**سعود الخليل** · 18-07-2005, 01:05 AM

[poem=font="Simplified Arabic,4,black,normal,normal" bkcolor="transparent" bkimage="" border="groove,4,sienna" type=0 line=0 align=center use=ex num="0,black"]
لا ترفعين يديك طار الشعر طار= هواء كفوفك طيره من مكانه
الكف قلبي والصدر غاديٍ طار = ارقص بعودٍ كنه الخيزرانه
عليك عاجت روسها كل الأنظار = وحولت فارس رغبتي من حصانه
وجيتك وانا كني حطب شعلة النار = والخل ما يرضى لخله مهانه
ارحم تراني مت وأشربني اعذار = وعلى الرضا عطني دليل وضمانه
صدّر قرار العفو لياك تحتار = أغلى هدايا اللي كريمٍ حنانه
بيني وبينك قصة افراق واسرار = سوالف خليتها معك أمانه
شربت هم الحب من كف الأقدار = وكم واحدٍ قبلي غدر به زمانه

راشد بن جعيثن[/poem]

**سعود الخليل** · 18-07-2005, 01:07 AM

[poem=font="Simplified Arabic,4,black,normal,normal" bkcolor="transparent" bkimage="" border="double,4,sienna" type=0 line=0 align=center use=ex num="0,black"]
يا زين ما حبيت لاذا ولا ذاك = حبك سكن ما بين روحي وبيني
يا مرخص الغالين ما هوب يخفاك = ما ياخذ القلب المشا اثنيني
حبك مكفيني عساهم فداياك = أحبابي التالين والأوليني
ولولاي أحبك ما تولعت برضاك = ما كنك إلا من حدا والديني
ما غير أدور وين أنا فيه بلقاك = مدري يسار الدرب ولا يميني
فيني تراها ما تسّوىَ سواياك= ضيقت صدري حيل واسهرت عيني
يافاتن المفتون والله لولاك = ما عشت أقاسي مقفيات السنيني

راشد بن جعيثن[/poem]